新手備孕媽媽打個招呼

大家好，我係新手備孕媽媽，講返少少備孕背景：
由上個cycle開始正式備孕，上個月化學懷孕左（下面詳談），今個月繼續努力！

希望紀錄低整個備孕過程，將來SOHA（蘇蝦）出世，我都可以回顧返自己既努力，將來SOHA大個都可以話佢知，佢係經過多重難關先黎到呢個世界！

如有同路人，希望你地留個言，互相打個氣！



好，而家講返上cycle同目前情況～

（平常一般每30-31日一個cycle）
CYCLE 1: 7月12－7月15
因為8月6號(DAY 26)先買到紅d，8月7凌晨身痕check下，點知紅d深粗，但綠d無線（如圖）

果下都覺得幾奇怪，唔通成DAY 27先排卵？咁咪之前交既功課白費？
個心囉囉攣，成晚訓唔到，於是過左好幾個鐘，又再check一次綠d，結果有少少少少少控（如圖）

由於真係好淺色，所以我唔敢太開心住，亦唔想搞到自己太神經質，所以就冇繼續check。

Due Day係11-12號左右，但直到15號(DAY 35)都未黎m，所以終於鼓起勇氣，check多左一次綠d。

嘩！！！我真係好開心好開心呀！！咁咪諗住去驗血拎report啦，點知之後發生既事簡直係晴天霹靂。。。。。。

我首先打去化驗所問下收費如何，之後就問佢最快幾時可以抽血驗到有bb，姑娘話最快都要經期過期後一兩日，咁我的確遲左三日啦已經，於是就去左驗血啦。

抽完血，坐左15分鐘左右，姑娘拎住我份report出黎，話：小姐，報告顯示你係冇懷孕架！

我當時唔知比咩反應好，好驚，點解我驗到兩次，但抽血顯示冇呢？

冷靜返之後，我同自己講，可能只係抽血未驗到姐，睇定d先啦～

點知8月17就好m痛好m痛，比平時痛好多好多好多，仲要黎m，比平時既m啡色好多，冇平時咁紅。

8月18仍然好m痛好m痛，所以我就去睇醫生，同醫生大致講左我既情況，之前又驗到有bb，但到頭來驗血又話冇，而且又黎m。。。。

醫生話我呢d叫早期小產，係胚胎自然淘汰，就好似黎m咁自然排出。。（俗稱化學懷孕）

好失望好失望。。。。但我又同自己講：今次唔得仲有下次！！！



於是8月17，新一個cycle開始！

CYCLE 2: 8月17－8月21

今個月由DAY 6開始驗紅d，隔日驗，直至DAY 16，每日驗，發現DAY 17(2/9)晚紅d深粗，18號轉淺（如圖）

31號－2號同4號每晚都有交功課，DAY 21明顯開始轉深了！

睇埋DAY 23, 24既紅d，都發現慢慢每日加深。。。 （秀兒紅d係綠色尾的，大衛紅d先係紅色尾）
P.S. 今日係DAY 24(9/9)

嘿嘿，希望繼續加深啦！！！因為今日check過綠d，係大白板！！！不過我冇氣餒架！

各位同路人，繼續努力呀！